Drulla litla

2006-10-15T22:53:00.000Z

Hér með kveð ég bloggheiminn...

2006-07-20T09:49:00.000Z

Esjan...puff...þetta var bara hóll!

Daman leggur af stað á Esjuna. Fjallaganga er nýja áhugamálið á mínum bæ - skellti mér á Móskarðshnjúka, líparíttindarnir hægra megin við Esjuna, í síðustu viku og fór svo strax daginn eftir og keypti mér Boots. Varð náttúrulega að koma þeim í gagnið og ganga á þennan umtalað hól. Eins og sést lít ég út fyrir að vera vanur fjallagarpur í þessu outfitti, enda ekki annað hægt! Esjan var ekki eins erfið viðureignar og ég hafði gert mér í hugarlund, ég sagði sem sagt hóll, ekki fjall.

Aðeins að horfa upp eftir - maður var svona hálfnaður þarna... og það fylgir náttúrulega að girða aðeins niður um sig og láta taka mynd af rassinum á sér svona þegar maður skellir sér á Esjuna... enda er hann undurfagur eins og sést þarna á miðri Esju - huldufólkið og tröllin eiga eftir að sakna hans, enda voru þau sjúk í hann og voru æst í að fá að klappa honum af því að þeim fannst hann svo fínn...

Stoltið leyndi sér ekki - þarna var ég á leiðinni niður...djöfull fannst mér ég eiga skilið að fá súkkulaði þegar ég kom upp á toppinn... en það var engin sjoppa...

2006-07-05T19:17:00.000Z

Jörundur

Ég er að passa lítið dýr. Það er appelsínugult og einmana. Það borðar grænar og rauðar og gular flögur en ef flögurnar eru of stórar þá getur það ekki gleypt þær. Þá sökkva þær niður á botninn og búrið verður skítugt. Ég er samt ekki frá því að það hafi fitnað síðan það kom kom til mín. Vona bara að ég gefi honum ekki of mikið svo hann springi af ofáti, hann kann sig nefnilega ekki. Ég vorkenni honum samt. Hann er eitthvað svo einmana - hálfömurlegt líf - er að spá í að gefa honum vinkonu. Nema hann springi og deyi. En Jörundur er sem sagt gullfiskur.

2006-05-07T14:41:00.000Z

Mér fannst þessi mynd einstaklega heppileg fyrir daginn í dag - og Bjössi - svo ómótstæðilegur svona loðinn, bumbóttur og með þessa líka undursamlegu undirhöku!

Stóð þarna á pjöllunni og lét loftið leika um hana!!!
Ég lenti í einstöku atviki á föstudagskveldið. Það var sem sagt þannig að og María ákveðum að hitta hann Gunnar minn heittelskaða á tískusýningu hér í bæ. Útskriftarsýning nemenda LHÍ þar sem vannærðar og óhamingjusamar ungar stúlkur gengu þar um í alltof stórum skóm. Er það ekki í frásögur færandi nema hvað að þegar ég er búin að fara í mitt fínasta púss (maður verður að líta almennilega út þegar maður fer á alvöru fassjon sjó) og síðustu hreinu brókina sem fannst á heimilinu - lítil hvít pjatla sem er föst saman á hliðnum með einhverjum helvítis perlum og semelíusteinahjörtum, einstaklega óþægileg, sérstaklega þar sem pjatlan er í minni kantinum og skilur eftir sig far í annars fagra og mjúka húð mína, - nema hvað, að þegar ég geng inn í salinn - þá slitnar pjatlan öðru megin. Hangir þá brókin á hægra lærinu á mér - sem betur fer var ég í pilsi sem huldi það heilaga - en ég gat náttúrulega ekki látið brókina hanga þarna og eiga það á hættu að hún rynni niður á hæla og héngi þar og yrði ég þar mér til skammar og aðhlátursefni fyrir viðstadda. Mér tókst það nú samt, því ég þurfti náttúrulega að slíta brókina hinum megina og ná í hana undir pilsið og troða henni ofan í tösku. Yndisleg stund og ég hló mikið sem og aðrir sem heyrðu um ástand mitt.

Annars var vikan yndisleg. Náði að reka bílinn hennar Ragnhildar utan í vegg - fór á eitthvað verkstæði og reyndi að nota allan minn kynþokka og sjarma til að ná niður verðinu: nei kynþokkinn fór fyrir lítið - 30 þúsund kall á þeim bænum. Fæ pabba bara í að bletta í þetta ;) Einnig tókst mér á ferðum mínum um bæinn að læsa lyklana inni í bílnum. Ákvað að skutla lyklunum í framsætið - skella hurðinni - og í hamaganginum hefur ýst á helv... læsitakkann - bíllinn læstur - þurfti að fá lásasmið úr Breiðholtinu á staðinn, stórglæpamaður með meiru með réttu græjurnar. Einhver svona blóðþrýstinggúmmípoki sem hann stakk milli stafs og hurðar þegar hann var búinn að spenna upp hurðina með rekaviðspýtum sem hann hefur að öllum líkindum fundið í fjörunni við Ægissíðuna á leiðinni á staðinn - kemur svo með eitthvað langt járnrör og potar því inn og opnar þannig bílinn. Þetta leit ekki öðruvísi út en að maðurinn væri með langan afbrotaferil á bakinu. Svo tók hann 4000 kall fyrir umstangið: það kostar ekkert að opna bílinn - kostar bara að fá mig á staðinn! Yndislegt engu að síður.

Heimsbókmenntirnar kalla - verið sæl!

2006-03-28T08:47:00.000Z

Vildi bara deila því með ykkur að ég komst inn í Leiklistarskólann!!!

2006-02-14T12:51:00.000Z

Elíta Íslendinga...

Lenti á ljósum í gær um klukkan hálftvö í nótt og fór að skoða jólasvein sem var á einum svölunum í næstu blokk. Var ekki viss hvort um væri að ræða tvo jólasveina eða hvort hann speglaðist bara svona þannig að mér fannst þeir vera tveir sökum slæmrar sjónar. Þegar ég er í þessum hugleiðingum rennur upp að mér rauður steisjónbíll. Og skyggði bíllinn sýn mína á jólasveinninn/jólasveinana...þannig að ég reyndi að sjá þetta í gegnum rúðuna hjá gaurnum...en nei þá heldur gaurinn náttúrulega að ég sé svona mikið að stara á hann. Gaurinn var enginn annar en tónlistarmaðurinn Jón Ólafsson og hann fór eitthvað að gretta sig framan í mig af því að hann hélt að ég væri að reyna að skoða hann og hann fór bara að brosa og ég gretti mig og setti upp afkáralegan og mjög fyndinn hissasvip! Nei fer þá ekki Jón sjálfur að benda á spúsu sína í framsætinu hana Hildi Völu ídollsstjerne (lesist með hochdeutch hreim). Og hún fór að vinka til mín líka og svo hlógum við öll saman. Svo fór Jón að reyna að plata okkur í spyrnu...hann vann drusluna nottlega, ekki það að hann hafi verið á einhverjum kagga...svo stoppuðum við aftur á öðrum ljósum og þá vinkuðum við aftur og hlógum saman og grettum okkur. Ég er að fara í matarboð til þeirra á laugardaginn og við ætlum að gera plötu. Hún á að heita Allir saman í bað.

Sigurður bróðir minn eignaðist litla stúlkukind áðan, krumpaða, rauða og doppótta! Hlakka til að fara norður og pota í hana ;) Hún á víst að heita í höfuðið á mér!!! Veiveivei!!!
Til hamingju Siggi og Jonna ;)

2006-02-09T14:59:00.000Z

If we deny love that is given to us, if we refuse to give love because we fear pain or loss, then our lives will be empty, our loss greater.
-höf. óþekktur-

Suma daga er hugur manns reikull og sálin andlaus. Í dag eru sumir dagar.

2006-01-28T14:47:00.000Z

Antígóna: Mín leið er ekki' að miðla hatri, heldur ást.
-Antígóna e. Sófókles-

Göfug er ritlist fyrri alda. Gamlar bókmenntir, gamlar kvikmyndir, án hjóðs og lita, eiga hug minn allan þessa dagana. Dagar mínir eru þéttsetnir með skipulagða dagskrá, nema um helgar og á þá tími minn að fara í lestur góðra námsbóka, en þegar skipulagningin lýtur í lægra haldi fyrir óreiðunni í höfði mér þá verður lítið úr dögum þeim. Sælgætisát verður þá oftar en ekki fyrir valinu þar sem ég tapa mér líkt lítið barn í leikfangalandi en á þessu herrans ári 2006 hef ég snúið aftur til eldri iðju þar sem ég et aðeins sælgæti einu sinni í viku til að halda fullkomnum línum og sléttri húð.
Djöfull!!! Ég þarf greinilega að fara til tannlæknis...var að tyggja möndlu sem var ekki sérstaklega mjúk undir tönn og fékk ég þennan þvílíka sársauka upp í heila og niður í tá!!! Þessum 300 kalli var þá vel eytt. Get ekki etið meira af þessu þennan daginn. Gæti kannski skellt þessu undir töfrasprotann og maukað þetta og skolað þessu niður með vatni! Þá þyrfti ég ekki að sjá eftir þessum aur. Kúlur, möndlur, bombur, mintur karamellur og snuð = kamassja (lesist með indverskum hreim). Hljómar vel. Eða tygg bara hinum megin. Læt þetta ekki eyðileggja fyrir mér heilan nammidag. Þeir eru ekki svo margir þessa dagana skal ég segja ykkur.
Ef þið andans menn hafði áhuga hvað á daga mína dreif í nótt skal ég deila því með ykkur. Mig dreymdi fyrir það fyrsta að ég væri ólétt. Nei, ég er það ekki, en ég vaknaði upp með andfælum. Hins vegar bera bróðir minn og spúsa hans barn undir belti og dreymdi mig það barn. Það var langur drengur. Hann var eins og ungabarn, en samt var hann langur eins og tveggja ára gamall snáði. En mjór eins og ungabarn, einstaklega fríður sýnum með dökkt hár en það trubblaði mig hvað hann var langur en linur sem nýfæddur. Systir mín Ragnhildur, Horkamóðirin, er einnig með kúlu og þar er stúlkukind á ferð. Áður en við fengum það staðfest hafði mig dreymt þá stúlku. Ef það svo staðfestist að drengur komi undir hinum megin þá má ég kalla mig berdreymna. (Ég er samt alltaf allsber þegar mig dreymir...undarlegt).
Eigi boðar gott að dreyma barn nema sonur sé og sjálfur eigi... Á ég á dauða mínum eða annarra von?
Ég ætla ekki að hafa þetta lengra að þessu sinni, mér er þó ljóst að menn eigi það til að líta hér við og því auglýsi ég eftir sjálfboðaliða til að setja teljara hér inn. Sá hinn sami fær eitthvað gott að launum. Frjálst val. Reyndar beit ég það í mig um daginn hversu hallærislegt (sem er nota bene mjög fáránlegt orð í þessu samhengi því það að blogga tengist varla hallæri = hallar undan ári, hart í ári) það væri að blogga. En ég er undir pressu hérna...auk þess sem mig vantaði eitthvað til að dreifa huganum...dreifa tímanum...eyða tímanum, forða mér frá lestri bókanna góðu.
Lifið heil.

2005-12-28T05:04:00.000Z

Klukkan er fimm að morgni. Ég er vakandi og er alveg að sofna hérna fyrir framan tölvuna...veit ekki alveg afhverju ég sit hér ennþá og er ekki dottin á gólfið og komin með blóðnasir og heilablæðingu...það væri kannski best...annars gerðum við María, Friðfinnur og Erla frábært myndband fyrr í kvöld um þroskahefta býflugu með krabbamein. María fékk sem sagt frábær áramótaföt í jólagjöf sem samanstanda af svörtum og gulum röndóttum sokkabuxum, svörtum og gulum röndóttum legghlífum og skyrtu sem er samfestingur eða með áfasta bandabrók sem maður fer í utan yfir sokkabuxurnar. Þetta eru fallegustu föt sem nokkur maður gæti hugsað sér að klæðast er maður fagnar nýju ári. Svo var samfestingsskyrtan með áföstum miða...og verslunarfólkið sá sér enga leið færa aðra en að skella honum í klofið á brókinni. Einhver að reyna að vera fyndinn...og honum tókst það! María fór fyrst í búninginn og var allt í lagi í honum (frekar ljótt af því að mörinn á henni flaut út um allt þannig að hún var frekar viðbjóðsleg en fötin bættu það svolítið upp). Svo fór ég í hann og var mergjaðslega kynþokkafull að Marilyn Monroe hefði skammast sín! En sigur kvöldsins átti Peacefinderinn...af því að hann er með pung og annað eistað á honum gægðist út fyrir bandabrókina og svo var hann með besta rassahristidansinn! Erla fékkst ekki til að fara í búninginn stefnan er tekin á Tequila fyllerí á næstu dögum og þá fær hún að finna fyrir því! Ég ætla að hella hana fulla, klæða hana í búninginn þegar hún er alveg út úr heiminum, keyra hana svo niður í bæ og skilja hana eftir á torginu...kannski fínt að gera þetta bara á gamlárskvöld...þá er fullt af fólk þar.
Annars var ég að skoða myndir af mér þegar ég var feit. Þá sko var ég vel búttuð og eiginlega má alveg segja að ég hafi verið spikfeit þó svo að allir segi: "Þú varst ekkert feit, bara smá búttuð"! Ok, takk fyrir að ljúga fíbblin ykkar! Ég var fokkings feit og ég vil miklu frekar hafa verið feit heldur en búttuð! En málið var að þegar ég var feit þá gerði ég mér ENGA grein fyrir því. Gott dæmi um það er þegar ég fór í passamyndatöku og fannst ljósmyndarinn svo ömurlegur og hann tók svo ömurlegar myndir...en nei nei, ömurðin fólst eingöngu í mörnum í andlitinu á mér! Ég gerði mér grein fyrir því síðar. Þannig að núna er ég dottin í fasa. Ég held nebblega að þegar og ef ég verð feit aftur þá ég ekkert eftir að fatta það og halda að ég sé geðveikt kynþokkafull (sem ég er alltaf) en er svo bara geðveikt feit. En þá er það vigtin sem kemur til bjargar því sjaldnast lýgur hún og nú hef ég ágætis viðmiðun þar sem ég var Miss Mör og svo núna þegar ég er Miss Skinny. Eða meira svona Miss Almost Skinny Going Skinnier. En galdurinn er að borða nammi bara einu sinni í viku. Af því að þegar ég var útötuð í mör þá borðaði ég kannski svona þrjú súkkulaðistykki á dag og fannst það kúl af því að ég "vissi" að það væri allt í lagi af því að ég myndi alltaf vera mjó sama hvað ég borðaði. En það var einu sinni þannig að ég gat étið í einu hádegi tvær ristaðar brauðsneiðar með einhverju gúmmelaði, tvær venjulegar, súkkulaði músli, vínarbrauð, vínarpylsur og þrjú djúsglös án þess að verða akfeit og allir bara: "Vó afhverju ertu ekki 700 kíló!". En svo allt í einu þá hætti það að virka...og ég sprakk! Sorglegast var að brjóstin á mér voru svakatúttur á þessum tíma sem voru svo fyrstar til að yfirgefa svæðið. Tussur!

2005-12-20T13:33:00.000Z

"Life would be so wonderful if we only knew what to do with it".
-Greta Garbo-

Langþráð jólafrí er nú hafið...mér er nú samt búið að líða eins og ég sé búin að vera í jólafríi i viku en ég var sem sagt að skila síðustu ritgerðinni minni. Það var helvíti notalegt...nema hvað að þessi ritgerð er ekki upp á marga fiska en hún gildir 70% sem mér finnst fullmikið...og ég lagði ekki meira á mig...alltaf þarf ég að komast undir pressu til að verða eitthvað úr verki. Það er óþolandi. Svo hafði ég ekki tíma til að henda inn öllum tilvitnunum þannig að þetta verður ansi skrautlegt. Hún átti sem sagt að vera tíu bls. en nei...allt í einu var hún orðin helmingi lengri og ég átti enn eftir að fjalla um nokkra þætti, en sökum tímaskorts þurfti ég að sleppa því, kannski sem betur fer því annars hefði helvítið verið 30 bls. Annars sit ég hérna allsber og er á leiðinni í sturtu...frekar sveitt eftir þetta...langar að leggja mig en var áðan svo hress að ég bað Ragnhildi systur að koma í Kringluna...nenni því engan veginn núna af því að Kringlan er staður elds og vítis, sérstaklega á þessum árstíma. Dónalega fólkið sem býr í þessarri borg er þar samankomið til að eyða um efni fram, labbar á mann og sendir manni svo illt auga...viðbjóðsmannlingar! Djöfull líst mér samt vel á næstu önn í skólanum...en ætla samt ekki að íþyngja sjálfri mér með því að tala um það á þessarri stundu...hurðu það er orðið svolítið kalt að sitja hérna allsber á rassinum, nibburnar orðnar beinstífar...skemmtilegt hvað maður er samt eitthvað fallegur og sléttur þegar maður er með gæsahúð...allavega er það þannig í mínu tilfelli. Ég er farin, ég er með ljótuna OG rauðkuna í andlitinu og það er viðbjóðslegt...er samt geðveikt slétt ;)

2005-12-11T20:44:00.000Z

Alltaf gott þegar prófunum er lokið...ég svaf lítið og las mikið, aldrei nóg samt, var sem liðið lík, ákaflega fögur sjón og ber ég þess enn merki. Prófin voru þrjú á þremur dögum sem á væntanlega eftir að koma niður á einkunnunum en það verður bara að hafa það. Annars gekk mér bara svona bærilega þannig að þetta er allt saman gott og blessað. Þessu er þó ekki alveg lokið, þrjár ritgerðir, skila tveimur á morgun, búin með aðra og er að fara að byrja á hinni. Sú fyrri - Kirsuberjagarðurinn e. Anton Chekhov, átti að vera fjórar bls....þær urðu tíu, vona að ég verði ekki skömmuð fyrir það, get bara ekki hamið mig þegar ritflóðið hellist yfir mig! Sú síðari fjallar um Tim Burton. Hann er nýja uppáhaldið mitt...langar samt ekkert í hann, bara knúsa hann...allavega ég er búin að drekka mikið af magic undanfarið og það fyndna við það að þegar maður ropar þá er bragðið eins og áfengisropi, sem er frekar ógeðslegt þegar maður er ekki fullur ;) Annars kom hann Jói minn heim sauðdrukkinn í gærkvöldi. Hann hringdi í mig á leiðinni heim klukkan fjögur, sem betur fer var ég vakandi að gera ritgerð, bara svona til að spjalla og segja mér að hann væri að koma. Svo er bankað á stofugluggann og ég fer út í svaladyrnar sem eru við hliðina og þá liggur hann í grasinu að fela sig og ég segi svona: "Hálfviti" og hann heldur að það komi frá glugganum en ekki hurðinni og byrjar að stara inn um gluggann og leita að mér þangað til að ég bendi honum á að ég sé ekkert í glugganum ;) Svo fer ég bara aftur inn í herbergi að læra...hann laumast inn og fer í James Bond leik inni í stofu að leita að mér, dettur á vegginn, slekkur ljósinn, hlær svo þegar hann fattaði að ég var ekkert inni í stofu...svo var hann farinn að hrjóta. Hann mundi ekkert í morgun, svaf svo til fimm, ældi úr sér lifur og lungum en er allur að koma til núna. Alltaf gaman að láta koma sér á óvart svona um miðja nótt ;)
Annars er mig farið að hlakka til jólanna af því að jólin eru falleg. Ég verð að vinna öll kvöld fram að jólum, bæði í Þróttheimum og á gömlu góðu Argentínu. Annars ætla ég að hafa það viðurstyggilega gott um jólin, lesa fullt af góðum bókum, spila ógeðslega mikið við systkini mín, knúsa mömmu og pabba, knúsa Fríðu og Jónas, leika mér í snjónum á Akureyri því ekki lætur helvítið sjá sig hérna megin á landinu. Stríða litlu frændsystkinum mínum, gefa þeim helling af nammi og skila þeim svo til foreldra sinna...klappa bumbubúum og borða steikur og fullt af jólagóðgæti...konfektið hennar Fríðu frænku...get ekki beðið eftir að komast í það, eins gott að hún búi til þessi jólin, það er það sem kemur með jólin ;) Svo ætla ég að byrja í átaki...gott að gera það fyrir jólin, hef ekki hreyft mig alltof lengi og mörinn farinn að láta sjá sig á ólíklegustu stöðum. Hlakka til að hitta allt pakkið á Akureyri sem sameinast þar yfir hátíðirnar og belgir sig út - afhverju eru ekki bara alltaf jól og allir alltaf í svona góðu skapi og ljósin og skrautið og allt sem er svo fallegt! Ef ég mætti velja um eilíf jól eða að búa í súkkulaðiverksmiðju Willy Wonka...þá yrði Willy Wonka fyrir valinu! Dunda Wonka? Afhverju ekki? Anyways, farin að gera ritgerð...vei hvað þetta er leiðinleg færsla en það les þetta enginn hvort eð er þannig að það er bara æðislegt...vildi samt að það sem ég er búin að skrifa hér væri ritgerðin mín...þá væri ég langt komin...en bless.

2005-12-06T23:36:00.000Z

Það er svona gleðileikur í gangi á síðunni hennar Fanneyjar, og hann er þannig að ef þú kommentar á síðuna þá kommentar hún til baka eftirfarandi:

1. Ég segi þér eitthvað handahófskennt um þig

2. Ég segi þér hvaða lag/mynd minnir mig á þig

3. Ég segi þér hvaða bragð minnir mig á þig

4 Ég segi þér fyrstu ljósu minninguna mína af þér

5. Ég segi þér á hvaða dýr þú minnir mig á

6. Ég spyr þig að einhverju sem ég hef velt lengi fyrir mér um þig

7. Ef þú lest þetta verðuru að setja þetta á bloggið þitt!

Þannig að farið endilega á síðuna hennar og látið hana segja eitthvað um ykkur...en það er ein regla...það er regla númer 7.

Þetta er einmitt upplagt í próftíð...

Dularfulla konan í græna leðursamfestingnum...

2005-12-02T19:09:00.000Z

Áramótin 2004
Originally uploaded by dundalitla.

Það sem mér finnst einstaklega fyndið á þessarri mynd er náttúrulega þessi guðdómlegi svipur á þessarri annars guðdómlegu konu... en ef þið lítið til vinstri þá sjáið þið dularfulla konu í grænum bol með rauða plastico eyrnalokka og nestistösku í smaladrengjastíl! Þessi kona er dularfullur leyniaðdáandi minn en það merkilega er hvað hún er ljót! Eigi veit ég hvaða orð gætu lýst þessarri dömu betur nema þessi einstöku orð:
If there is one thing worse than being an ugly duckling in a house of swans, it's having the swans pretend there's no difference.
-Teena Booth-

2005-11-24T18:01:00.000Z

"The body is meant to be seen, not all covered up!"
-Marilyn Monroe-

Ég ásamt félögum mínum í stjörnufræðinni héldum fyrirlestur um stjörnuna Marilyn Monroe um daginn, við fórum í búninga og allt og ég var mjög kynþokkafull eins og venjulega. Þetta var mjög skemmtilegt og við vöktum athygli hvar sem við fórum, alveg eins og Marilyn forðum daga. Annars fara að skella á próf og svona sem er ekkert nema spennandi, vökunætur og svefnleysi. Ávallt ánægjulegt. Reyndar finnst mér alveg fínt að vera í prófum. Þá er ljótleiki minn í hámarki, í marga daga klæðist ég einungis náttfötum og nepalsokkum og labba um íbúðina mína. Inn í ísskáp. Veit samt alveg að það er ekkert í honum sem mig langar í. Bara að tékka einu sinni enn. Kíkja í kexskápinn til þess eins að komast að því að ég á ekkert súkkulaðikex. Svo er maður alltaf að reyna að vera svolítið hollur...en það er fljótt að fara fyrir bí á svona dögum. Annars ætlum við systur sem búum hér á klakanum að gefa foreldrum okkar snemmbúna jólagjöf á morgun, tónleikar með hinum íðilfagra Garðari Cortes. Ég get alveg hugsað mér að horfa á hann syngja og dást að honum...annars sagði ég Maríu að ég væri að fara og hún sagði að hún þyldi hann ekki af því að hann væri horki. Skilgreining: Horki er lítill og feitur dvergur með bretahrokasvip. Upp úr þessu stofnuðum við hljómsveitina Horki þar sem meðlimir eru þrír, ég, María og Vala. María æltar að spila á selló, allsnakin umvafin sellófani með loðna tussu. Vala ætlar að semja textana og syngja og spila á mandólín, það eru allar líkur á því að hún verði ber að ofan. Annar ætla ég að spila á fiðluna og kannski ég taki lagið. Ég verð ber að neðan. Ekki er búið að dagsetja fyrstu tónleika en þeir verða að öllum líkindum á stúdentakjallaranum í vor. Eða Íslensku óperunni. Ég er ekki alveg búin að ákveða það. Það skemmtilegast við þetta allt saman er að þessar ungu dömur eru að flytja suður á bóginn og þá á ég við til Sódómu, borgar myrkurs og morða um miðjan dag.
Megi friður vera með ykkur.

2005-11-18T15:15:00.000Z

Love all, trust a few, do wrong to none.
-William Shakespeare-

Ég lá andavaka í nótt. Hugsaði um allt og ekkert og gat ekki sofnað. Það er ekkert sérstakt en hendir stundum. Horfði á The Hitchhiker's Guide to the Galaxy í gærkvöldi. Einstaklega skemmtileg. Vantaði kannski örlítið upp á að hún væri mögnuð, en góð engu að síður enda byggð á frábæru verki. Annars er ég búin að vera að lesa Engla alheimsins, kláraði hana í morgun. Þarf að sjá myndina við tækifæri aftur. Erum að vinna með þetta í skólanum, aðlögun skáldsögu til kvikmyndar. Ýmislegt sem vantar í myndina, frásögnin kemst vitaskuld ekki öll í eina kvikmynd... ég ætla nú ekki að vera að velta ykkur upp úr því hvað mér finnst að betur mætti fara, geri það á prófinu. Annars fer ég í þrjú próf. 8. 9. og 10. desember. Það verður þétt lesið og lítið sofið. Spurning hvort spænskan fái að sitja á hakanum, mig langar nebblega að fá 9 í henni af því að ég veit að ég get það en ég get það ekki af því ég þarf að leggja frekari áherslu á hin prófin tvö sem ég fæ metin inn í þetta nám mitt, því ekki fæ ég spænskuna metna. En mér finnst afskaplega gaman í skólanum og hlakka til að byrja á næstu önn. Annars ætla ég að koma norður milli jóla og nýárs og vera yfir áramótin. Ég hlakka sko til að kúra á bumbunni hans Arnars bróður míns og bregða Sigurði bróður mínum. Þeir eru krúttrassgöt. Svo kemur Nanna systir mín heim frá Sverige og það verður sko gaman, það er alltaf ansi mikil læti í kringum hana! Vei hvað það verður gaman. Það er langt síðan ég hef hlakkað svona mikið til jólanna. Annars vantar mig eiginlega vinnu hérna í RVK, helst á daginn frá 10.-23. desember ef einhver veit um eitthvað sem hentar persónuleika mínum afar vel. Svo vil ég fá ógeðslega mikið borgað, kolsvart. Ætlaði að skella mér norður og vinna hjá honum Erlingi, kenndur við það að vera skrýtinn, en svo kom það náttúrulega á daginn, ég sem hugsa sjaldnast lengra en nef mitt nær, að ég er náttúrulega föst í vinnu hérna í borginni í félagsmiðstöðinni minni. Þannig að ég þarf að láta krúttrassgatið vita að ég komist ekki... hefði samt verið gaman. En annars ætla ég að njóta þess að vera til í dag. Er á náttfötunum og í nepalsokkunum góðu og læt mér líða vel, var að sporðrenna ristuðum brauðsneiðum með osti og marmelaði eins og hún amma mín borðaði alltaf. Annars er lítið spennandi að gerast í kringum mig þessa dagana þannig séð, ruslið og draslið hrannast upp heima hjá mér, í hausnum á mér og allt í kring.
Börnin góð og slæm - eigið gott líf.

2005-11-06T01:31:00.000Z

Life may not be the party we hoped for, but while we're here we should dance.
-Unknown-

Það var gleðiskeipur heima hjá mér á föstudagskveldið og það var gaman. Auglýsi betur næsta skeip þegar nær dregur jólum ;) Fátt var um skandala nema hvað að Karin (kærastan hans Silla sem er sænsk og sagði að ég talaði fullkomna sænsku!) týndi töskunni svona sjö sinnum í 60 fm2 íbúðinni minni, geri aðrir betur! Helena var þunn á laugardaginn, enda var hún fljótt komin í vodkann... Ásta sló fyndinsmet kvöldsins: (sagt með saklausri röddu) "Ha! Býr Drífa í Róm! Ég vissi það ekki! Bíddu talar hún alveg rómönsku!" Hahahahaha...salurinn dó úr hlátri!!! Ásta þú ert hetja ;) Vona að þú fyrirgefir mér að ég dreifi djókinu ;) Ásdís sagði okkur líka sögur af því hve Tetur "hennar heittelskaði" er alltaf elskulegur við hana. Tetur: "Ásdís...ertu viss um að þú sérst ekki ólétt? (Ásdís sest á kné Teturs) Tetur: BLÓÐLEYSI!!! "Bíddu...má ég aðeins sjá þetta betur..."þegar Ásdís situr allsnakin (fyrir utan að vera í hvítum sokkum) að borða serjósið sitt og maginn flabbalabbast aðeins). Tetur - taktu þér taki ef þú vilt halda í þessa góðu konu! (mér finnst þetta samt fyndið:))
Annars var ég að passa á laugardagskveldið og fór svo um nóttina til að sækja Helgu frænku sem ég var að passa fyrir og við erum semsagt að keyra niður Suðurgötuna í lúmskri hálku þegar ég sé bíl koma af Hjarðarhaganum...hún rennur út á götuna í veg fyrir mig, ég rétt næ með snilldartöktum að forða okkur frá stórhættu, náði að skipta um akrein, rétt skell á hornið á bíl B (ég er bíll A), snýst við og renn afturábak en bíll B lendir á staur á horninu sem gerði allt miklu verra og bíll B líklegast farinn í gröfina. Alltaf leiðinlegt að lenda í svona en ég var í 107% rétti þannig að það er nú gott. Sá aðeins á bílnum hennar Helgu en ég bjargaðu okkur samt frá stórtjóni! Segið svo að ég sé lélegur bílstjóri!
Í gærkvöldi fórum við skötuhjúin á Edith Piaf. Hún var æðisleg. Brynhildur Guðjóns var frábær í alla staði...hún er nýja uppáhaldið mitt og mig langaði stundum bara að pota í hana, hún var svo krúttleg. Hún minnti mig svolítið á ömmu litlu...bara krúttleg ;)
En annars var helgin bara góð og vikan fram undan verður æðisleg!
Kiss og knús krakkaskrattar!

2005-11-02T09:10:00.000Z

Ég vaknaði snemma í dag...Jóinn minn vakti mig...og það var notalegt...þannig að mig langaði að fara að fætur og lesa...er núna bara á brókinni og ullarsokkum, þannig líður mér best. Er eiginlega ekkert sybbin sem er ótrúlegt þar sem það er eiginlega ennþá nótt. En það er samt aðeins farið að birta og þá er víst kominn dagur, en það var samt ekki kominn dagur þegar ég vaknaði því þá var klukkan bara rúmlega átta og þá er nótt. Það vita allir heilvita menn. Það er fáránlegt að dagurinn hér á Íslandi byrji fyrir klukkan átta á morgnanna vegna þess að í stjörnufræðulegum skilningi er ennþá nótt á þeim tíma. Og aumingjans landinn dragnast fram úr með stírurnar í augunum, að fólk skuli láta bjóða sér upp á þetta! Ég mæti ekki í skólann fyrr en tólf og í rauntíma þá er klukkan um tíuleytið þá. Þannig að þegar ég vakna klukkan tíu á morgnanna þá er það eiginlega eins og ég sé að vakna klukkan átta þannig að það er bara æðislegt og ég er dugleg að vakna klukkan tíu þannig að vei fyrir mér ;)
Annars fór ég á magnaða sýningu á laugardagskvöldið. Forðist okkur eftir Hugleik Dagsson, Hulli eins og ég kýs að kalla hann. Hún var helvíti fyndin og skemmtileg, flott uppsetning, flott svið og stólarnir voru skrifborðsstólar þar sem maður þurfi alltaf að vera að snúa sér því sýningin gerðist út um allt en þetta er sem sagt saga af nútímamanninum í sinni svörtustu mynd. Sýningum er held ég lokið, þannig að svekkjandi fyrir ykkur sem misstuð af þessu. Svo er ég að fara á Edith Piaf á sunnudaginn og hlakka óskaplega mikið til. Það verður eflaust fallegt.
Jæja ég ætla að fara að lesa Staging Plays þar sem ég hef ekki komist í tíma undanfarið og er ansi mikið eftir á. Skammskamm. Þoli samt ekki ofaníhrökk.
Eigið góðan dag og elskið lífið!

2005-10-31T09:22:00.000Z

Góðan daginn, ég var að vakna og lít út eftir því, sem sagt einstaklega mygluð og falleg svona í morgunsárið. Andinn var ekki yfir mér í gærkvöldi þannig að ég kláraði ekki þetta blessaða verkefni sem ég á nota bene að skila í dag. En ég var svo sem langt komin en ég veit ekkert hvernig maður á að snúa sér í svona ljóðgreiningarverkefni en ætli ég sé nokkuð sú eina. Skyldan kallar gott fólk, veriði sæl í bili.

2005-10-30T17:50:00.000Z

Haloscan commenting and trackback have been added to this blog.

María og Dunda

2005-10-27T17:54:00.000Z

IMG_0543
Originally uploaded by dundalitla.

Já þetta var allt saman grín í boði FM 95.7 eins og María sagði...

2005-10-26T11:18:00.000Z

María...viltu gjöra svo vel og laga þetta!

Ég ætlaði sem sagt gott fólk að vera sniðug og breyta bakgrunninum hérna...en nei, þá dettur kommentakerfið mitt út sem er mjög svekkjandi. María mín ætlar að laga það...ég kann það ekki...en ég vona að hún ætli að laga það því annars drep ég hana. Sting hana með skítugri spýtu í bakið og hræki svo framan í hana...þú vilt ekki fá þetta í andlitið tík!
Enýveis. Þá er að byrja törn í skólanum. Er að fara í spænskupróf á föstudaginn, byrja að læra í kvöld af því að ég nenni því ekki núna. Annars fengum við Hildigunnur 9.5 fyrir fyrirlesturinn/oral trabajo um daginn. Ég er stolt af þessu framtaki. Svo á ég að skila ljóðgreiningarverkefni á mánudaginn og ég er ekki byrjuð. Er samt búin að velja mér ljóð sem heitir Kyndilmessa II og er eftir vinkonu mín Vilborgu Dagbjartsdóttur. Það hljómar svo:

Orð Drottins kom til mín í stofunni
þar sem ég sat yfir kaffibolla.
Mér varð svo bilt við fyrsta veiið
að ég slökkti í sígarettunni.
Vei! sagði Drottinn
þið reisið yndishús í glæpadal
og standið á blístri af ofáti
en heyrið ekki hungurvein Biafra.
Vei! Vei! sagði Drottinn
þið emjið af frygð svo danssalirnir nötra
meða frelsissöngurinn er kæfður í Kurdistan
og fangelsisveggirnir bresta
undan kvalastununum í Grikklandi.
Vei! Vei! Vei! sagði Drottinn
þið hórur sem veltið ykkur
á hvílubeðjarhægindunum
meðan þungaðar konur
eru ristar á kviðinn í Vietnam.
Þá skrúfaði ég frá hljóðvarpinu
og poppmessan yfirgnæfði karlinn.

Ef menn þarna úti eru með einhverja hugmynd um hvernig ég á að snúa mér í þessu efni þá megið þið endilega hafa samband...eða kommenta þegar helv...kerfið er komið aftur. Vala litla mín kom í borgina um helgina og var skemmtileg. Við fórum í leiki a la Vhala heima hjá Kjartani á föstudagskveldið og það var gaman...ég gat ekki sungið eitthvað helvítis lag sem ég ekki kunni en það átti að neyða mig til þess. Ég fór bara að grenja og allir vorkenndu mér og sungu fyrir mig. Takk fyrir það. Svo fór ég í brúðkaup hjá Herra Birgi og Frú Hildigunni á laugardagskveldið og dansaði eins og ég ætti lífið að leysa. Það var snilld.
Í morgun þá ætlaði í kínaskóna mína. Bandið slitnaði. Þannig að ég neyðist til að kaupa mér nýja skó í dag. Mig langar alveg óskaplega í brúna skó og ég veit alveg hvernig af því að ég átti einu sinni svoleiðis og mér finnst þeir fallegir. Mig langar að eiga skóherbergi. Mig langar í marga skó og mig langar að kaupa eina vetrarskó, sem eru þessir brúnu fallegu, svo langar mig í fallega spariskó, jafnvel með hælum þó svo að ég sé örugglega ljót á hælum, svo langar mig í svona tíu skó sem eru allir eins nema í mismunandi litum svo ég geti alltaf verið í stíl. Ég geng aldrei í hvítum sokkum af því að mér finnst ég ógeðsleg í hvítum sokkum. Samt finnst mér Helena falleg í hvítum sokkum, en hún er þeim eiginleikum gædd, að þó svo að hún sé búin að vera í skólanum í heilan dag á hvítu sokkunum einum saman, þá eru þeir ennþá eins nýþvegnir. Mér finnst best að vera bara í röndóttu ullarsokkunum mínum frá Nepal. Ég nebblega fæddist í Nepal í fjallaþorpinu Kungjinui og var ættleidd þaðan þegar ég var þriggja mánaða. Nei ég lít ekki út eins og grjón af því að blóðforeldrar mínir eru ekki frá Nepal heldur eru þau fjallagarpar frá Úkraínu sem skildu mig eftir hjá gamalli konu á fjallinu til að geta haldið göngunni áfram. Þau komu aldrei aftur og sóttu mig. Þess vegna er ég hér en þessi gamla kona prjónaði á mig þessa sokka og sendi mér þá um síðustu jól. Hún heitir Mita. Takk Mita.
Jæja ég ætla að fara að skoða þessa bannsettu skó...greyið ég.

MARÍA ÞAÐ ERU ENGIN FOKKINGS MÖRK! ÞÚ GERIR BARA ÞAÐ SEM ÉG SEGI! ANNARS HEFURÐU VERRA AF! MANNSTU HVAÐ VIÐ LÁSUM INN Á SPÓLUNA! VILTU AÐ EINS FARI FYRIR ÞÉR OG HONUM FRIÐFINNI! MANNSTU ÞETTA MEÐ SKEIÐARNAR! HVERT VILTU FÁ ÞÆR MARÍA! HVERT!!!

2005-10-21T11:09:00.000Z

Experience is the name everyone gives to their mistakes
-Oscar Wilde-

sælt veri fallega fólkið! Þið hin getið beðið. Ef þið rambið hingað inn þá endilega kíkið á 4GH bloggið sem Fanney bjó til. Gott framlag Fanney. Ég er svoleiðis kona að ég þjáist oft af siggi. Ég hata sigg. Eða nei ég hata það ekki því sjaldnast truflar það mig eitthvað af ráði en ég nenni sjaldnast að fjarlægja það eða borga háar fjárhæðir konu sem kann ekki til verka. En svo ef ég legg í þetta þá sést það kannski í svona einn dag max...og ég nenni aldrei að krema þetta og þetta er einstaklega hvimleitt núna vegna þess að í sumar þá fékk ég blöðru beint undir stóru tánna. En nei þetta var aldeilis ekki venjuleg blaðra heldur var hún eiginlega hringur eða eins og O. Þ.e. hún var blaðra sem var samt ekki blaðra í miðjunni. Þannig að ég gat ekki tekið dauða skinnið af því það var lifandi skinn í miðjunni sem hefði leitt til mikillar blæðingar sem það og gerði þegar ég lagði leið mína til konu sem eigi kunni til verka og blóðgaði hún mig á tveimur stöðum, lét líkþornin eiga sig og stóð sig í alla staði illa. Ég fékk að koma aftur til konu til að lagfæra hryllinginn eftir hina, og hún stóð sig bara þokkalega, tók líkþornin og það blæddi en það er eðlilegt fyrir þá sem ekki vita. Svo sagði hún mér líka að ég væri með inngróna vörtu á vondum stað. Ég tók hana til meðferðar en það var reyndar bara skemmtilegt því maður setur eitthvað vökvakennt á hana í nokkra daga og það efni er með góðri lykt og heitir vörtueitur ef einhvern langar í svoleiðis. Allavega þá setti ég það á mig og það át upp vörtuna, og svo gerir maður þetta nokkrum sinnum og það leysir mann bara upp, ef ykkur langar að gera eitthvað sniðugt þá er hægt að setja þetta á puttann á sér og láta efnið éta sig ofan í bein! En þetta er sagan af lappahrakförum mínum sem ég hef þurft að eiga við í mörg ár...hef þetta frá honum Pabbanum mínum hef ég trú á, hann er allavega alltaf eitthvað þurr á fótunum...en allavega þá er þetta vandamál enn við lýði á mínu heimili, ég ræðst í það þegar ég nenni.
Mig langar í slímsundlaug.

2005-10-07T15:47:00.000Z

Hæ. Kannski ég bloggi í dag...það eru allir hættir því hvort eð er. Ég ætla að vera öðruvísi en þeir. Takk. Ég var að borða súkkulaðikex. Prince LU. Það er best, uppáhaldskexið hennar Perlu. Mér finnst best að borða þetta þurra utan af fyrst þannig að þegar maður byrjar á súkkulaðinu sem er á milli þá er það eiginlega bara súkkulaði og eiginlega ekkert kex. Mmmm...það er gott. Annars var ég að heyra af nýrri kjúllauppskrift í dag, kjúlli með chilli og SÚKKULAÐI...getur varla verið gott...kannski samt. Annars er októberfest í háskólanum, mæti ekki. Er að fara að vinna með Gunnari Helga sem er MIKLU skemmtilegra. Hann er skemmtilegur og ég hef enga trú á öðru en að við munum búa til kreatívan dans í vinnunni í kvöld. Og búa okkur til eitthvað spes að borða. Annars finnst mér gott að setja kál og pítusósu, ost og krydd í pylsubrauð og setja það í klessugrillið. Helena kenndi mér það! Tilraunir hennar eftir ævilangt starf í sjöppu. Mér finnst flott að segja sjöppa. Gerði það fyrst óvart. Búin að búa til nýtt orð. Annars elska ég Gunnar Helga. Vei. Annars þetta með pylsubrauðsdótið, var að spá í að setja þetta í svona stórt brauð í kvöld, kannski verður það gott. Vei. Oj ég skrifa aldrei um neitt nema það að éta og hvað mér finnst gott. Lífið er át. Annars gæti maður ekki lifað. Þannig að ég má alveg skrifa um þennan stóra part af lífi mínu. Var í umræðutíma í heimsspekilegum forspjallsvísindum áðan, og já, það er jafnleiðinlegt og það hljómar, en þessi tími fjallaði um tunguna, og hvort dýr geti talað og því um líkt. Afhverju ættu þau ekki að geta talað eigin tungu. Eins og við ættum eitthvað að skilja það! Heimska fólk. Átt ekki að vera að tala um eitthvað sem þú getur ekki verið viss um. Og hvað getur maður verið viss um. Ætla ekki að verða heimspekileg hérna. Eða neins staðar annars staðar. Þess vegna þegi ég í tímum sem þessum. Fæ einn heilan fyrir að sitja þessa tíma. Þess vegna geri ég það. Hlusta á fólk tala um eitthvað sem það þykist vita um og þykjast vera ósammála/sammála um efni sem það hefur varla kynnt sér, þess vegna er best að þegja. Og spila Yukon struggle á meðan aðrir tala. Það er fínt. Mér finnst ótrúlega gott að þegja. Þegja og horfa og skoða.

Mongolita

2005-08-26T01:51:00.000Z

Mongolita
Originally uploaded by dundalitla.

2005-08-21T12:33:00.000Z

Fínt að blogga einu sinni í mánuði. Ég er ógeðslega þreytt. Er nýkomin frá Azores eyjum sem var ein magnaðasta ferð sem ég hef farið í á lífsleiðinni. Það var skooo gaman. Aldrei spes að koma heim eftir svona ferð, aftur í sömu rútínuna. Ég er ekki rútína. En ég ætla að læra spænsku. Maður er hálfþroskaheftur þegar maður talar ekki spænsku. Ég fann það þarna. Annars byrjar skólinn bráðum og ég hlakka bara heilmikið til, þetta verður bara spennandi. Plan A er að halda seminar hérna á Íslandi og vinna verkefni hér ásamt Fuglaeyjafólkinu og einhverjum fleirum, og reyna að komast til Lanzarote í febrúar, ég og Aggi stefnum á það. Það væri snilld. Svo er Plan B að fara í skiptinám, væntanlega til spænskumælandi lands. Það væri allavega gaman og ég myndi læra spænsku. Svo er Plan C að flytja til Afríku og leggja hönd á plóginn við að bjarga heiminum. Þetta er svona næsta þriggja ára plan. Samt geri ég eiginlega ekki plön. Og ef ég geri plön þá fer ég sjaldnast eftir þeim.... eða svona næstum því. Stundum geri ég þau samt. Vei! Annars væri held ég best fyrir mig að láta mig bara hverfa í svona fimm ár. Týnast og láta engan vita og tala ekki við neinn sem ég þekki núna í fimm ár. Það væri öm. Sérstaklega ef einhver myndi svo deyja. Ég hræðist ekki dauðann, ekki fyrir sjálfa mig, ef ég dey þá dey ég og það tekur líklegast fljótt af. En hvað aðra varðar þá hata ég dauðann. Ég vil ekkert að fólk sé að taka upp á því að deyja frá mér. Ég vil bara ekki sjá það. En ég ætla að fara að vinna. Nenni því ekki. En maður gerir bara það sem maður þarf að gera. Það er frábært. Sæl að sinni.
Slefið.

2005-07-25T12:39:00.000Z

Ég er að borða salat... efst voru rauð vínber, þau voru góð, svo var hungangsmelóna, hefði mátt vera betri, svo var rauð paprika, fannst ég illa svikin þar, hún var bragðlaus. Svo kom gúrka og hún klikkar nú yfirleitt ekki nema hún sé mygluð, enda var þessi alveg afbragð. Mér finnst gúrka góð þó svo að vini mínum finnist hún vond og segi að hún sé eins og mold. Það er vitleysa.

2004-06-30T18:24:00.000Z

Viðurkenndur andskoti: ég er lélegur bloggari. Er ekkert á því að opinbera sál mína fyrir alþjóð eða opna aðgang fyrir almenning að lífi mínu. Þeir sem eitthvað vilja vita um mig geta bara hringt í 661 7223 og spurt að því sem þeir vilja vita. Héðan í frá mun ég ekki blogga oft, segi ekki framar, því það er aldrei að vita nema það vakni upp hjá mér sú löngun að blogga aftur, en það verður ekki í bráð. Ég vona að Vilborg fyrirgefi mér, þar sem hún og hennar ektamaður voru svo væn að setja upp hjá mér commentakerfi, og vona að Gunnar verði ekki sár, en hann er sá sem oftast hefur spurt um bloggið mitt og þá erum við að tala um svona tvisvar. Annars var þetta ánægjuleg tilraun og komst ég að þvi að þetta er ekki mín sterkasta hlið og læt ég þar við sitja. Ég kveð því í bili, veriði sæl.

2004-06-13T14:58:00.000Z

Komiði öll margblessuð og sæl! Hér á þessum degi, þann 13. júní á því herrans ári 2004 í skítaveðri hér á suðvesturhorninu, rokrassi rigningarpleisi, öðru nafni Sódóma sit ég, og hef gert það í allan morgun. Sit hér í litlu búri sem yfirleitt er skítahiti og á ég þá erfitt með andardrátt þar sem sá kostur að geta opnað glugga er ekki fyrir hendi. Sem er svo sem alveg fínt þar sem mér er alltaf kalt en það er vitanlega vegna þess að ég er svo mjó og á ég því erfitt með að halda hita. Annars var ég að horfa á The O.C. sem eru ágætis afþreying vægt til orða tekið. Guiding light samtímans. Og ekki verður það af þeim tekið að það er besta sápa sem framleidd hefur verið. Og þá er ég ekki að tala um sápu með góðri lykt sem hægt er að smyrja á sig, heldur er það sápa sem oft er skítafneggur af... Eins og Reva, sem kemur aftur í þættina sem hin klónaða Cleva! Eins gott að Reva sjálf komi ekki aftur af því að hún er nú þegar búin með kvótann, búin að taka hvern og einn einasta Lewis í karllegg nema bróður sinn...hver veit þó hvað gerist næst!!! Alltaf jafn mikil fróun í því að horfa á Guiding.
Annars er ég að fara norður á þriðjudaginn og beina leið í útilegu með gamla bekknum mínum og henni Vilborgu. Eins gott að hún svíki ekki gamlan vin! Það verður snilld. Annars byrjar gleðin hjá mér í kvöld þar sem ég er að fara í starfsmannapartý, í bústað, með liðinu á Cafe Opera þar sem ég er að vinna og það verður gaman, svona partý með liði úr þessum bransa klikkar aldrei og kæmi það mér mjög á óvart ef svo verður. En ég býst þó ekki við því þar sem ég ætla mér að verða hrókur alls fagnaðar án þess að fara úr öllum förunum eða sýna einhverjum á mér brjóstin...en þetta er svo sem allt nýtt lið sem á allt eftir að sjá þau þannig að maður veit aldrei...kannski maður reyni að vera dama svona einu sinni, kann það samt ekkert. Samt fyndið að þegar ég hitti nýtt fók þá fær það afar oft þá grillu í höfuðið að ég sé dama hin mesta siðprúð og sæt. Svo þegar hið sanna kemur í ljós þá er ég ekkert þannig. Annars ætla ég að fara að þykjast gera eitthvað í fiskabúrinu mín, hér er allt í drasli en ég er aðeins of upptekin yfir Boston public :)
Síja gæs...endilega að kvitta í gestabókin sem vilborg og hennar heittelskaði bjuggu til handa mér ;)

2004-06-05T17:39:00.000Z

Úff ég er örugglega að fremja einhvern stórkostlegan glæp hérna. Þetta er nefninlega ekki Dunda, heldur Vilborg. Ég er næstum því viss um að það hefur eitthvað með siðferðislögin í landinu að gera að vera að blogga á öðrum síðum en manns eigin en ég er samt bara að gera þetta for ðe greiter gúdd. For ðe greiter gúd. Nú ætla ég að athuga hvort þetta gangi með þetta kommentakerfi...

Ef þú heldur að þetta hafi verið glæpur, pældu þá í þessu: Ég er að breyta bloggi sem einhver annar skrifaði inn á enn annars bloggsíðu! Ég setti nýtt commentakerfi þar sem hitt saug endaþarm og ég setti þessa líka feiknar áhugaverðu linka hérna til hægri. Þetta er þá Gústi sem skrifar (uss, það er eins og þetta blogg sé með geðklofa!). Well, þetta ætti að virka.

2004-05-17T15:58:00.000Z

Góðan daginn gott fólk! Það virðist vera motto mitt hér á síðunni minni að rita hér aðeins einu sinni í mánuði, og nú er komið að þriðja bloggdegi mínum í þessarri tilveru, þ.e. maíbloggið! Það stendur þó til bóta þar sem ég er nú búin að dreifa orðinu og láta vita af síðunni. Svo var ég enn og aftur að tala við hana Vilborgu mína um að plata sinn heittelskaða til að setja inn fyrir mig blaðurhorn, ég bíð bara spennt eftir því, Vilborg! Eg var fyrir norðan um helgina, þvílík og önnur eins snilld! Var reyndar svoldið sybbin og var við það að sofna, datt í hug að leggja mig en það var komið í veg fyrir það þar sem ég var stödd í stelpupartý nokkru, sem varð einnig þess valdandi að ég svo til missti af júróvisjon þar sem ég heyrði ekkert fyrir háværum röddum viðstaddra og var ég til að byrja með dugleg í sussinu en sá svo að það hafði ekkert upp á sig. En þetta var gaman, græddi tvo bjóra á barnum, einn fyrir að kyssa eina stúlkukind sem er nú ekki svo merkilegt, en ungum drengjum þykir þetta eitthvað spennó! Og svo sýndi ég á mér brjóstin og fékk þá annan...hver hefur ekki séð á mér brjóstin! Kommon!
En farið svo að láta sjá ykkur...
Kv. Dundlingur hinn hávaxni

2004-04-10T14:24:00.000Z

Góðan daginn!
Þetta er í fyrsta sinn í langan tíma sem ég blogga. Ég passa bara ekki alveg inn í þetta bloggsamfélag, er ekki þessi bloggari í mér. Enda veit enginn af þessari síðu...og þeir sem vita af henni kíkja ekki í heimsókn!

2004-03-31T16:20:00.000Z

Jæja....enginn búinn að heimsækja mig nema ég sjálf... Skemmtilegur heimur sem ég lifi í...

2004-03-31T14:02:00.000Z

Hæhæ!
Þetta er nýja bloggsíðan mín. Ég hef aldrei bloggað og kann það ekkert. Geri það bara til að vera töff ;)